श्रीकार्यम्

श्रीशैलेश दयापात्रं धीभक्त्यादि गुणार्णवम्‌ ।
यतीन्द्र प्रवणं वन्दे रम्यजामातरं मुनिम्‌ ॥

लक्ष्मीनाथ समारम्भां नाथ यामुन मध्यमाम्‌ ।
अस्मदाचार्य पर्यन्तां वन्दे गुरुपरम्पराम्‌ ॥

यो नित्य मच्युत पदाम्बुज युग्मरुक्म
व्यामोहत स्तदितराणि तृणाय मेने ।
अस्मद्गुरो र्भगवतोऽस्य दयैकसिन्धोः
रामानुजस्य चरणौ शरणं प्रपद्ये ॥

मातापिता युवतय स्तनया विभूतिः
सर्वं यदेव नियमेन मदन्वयानाम्‌ ।
आद्यस्य नः कुलपते र्वकुळाभिरामं
श्रीमत्त दंघ्रियुगळं प्रणामामि मूर्ध्ना ॥

भूतं सरश्च महदाह्वय भट्टनाथ
श्रीभक्तिसार कुलशेखर योगिवाहान्‌ ।
भक्ताङ्घ्रिरेणु परकाल यतीन्द्रमिश्रान्‌
श्रीमत्पराङ्कुशमुनिं प्रणतोऽस्मि नित्यम्‌ ॥

श्री शरणागति
ओं भगवन्नारायणाभि मतानुरूप स्वरूप रूप, गुणविभव ऐश्वर्य शीलाद्यनवधिकातिशय असंख्येय कल्याण गुणगणां, पद्म वनालयां, भगवतीं, श्रियं, देवीं, नित्यानपायनीं, निरवद्यां देवदेव दिव्य महिषीं, अखिल जगन्मातरं, अस्मन्मातरं, अशरण्य शरण्यां, अनन्य शरणः शरणमहं प्रपद्ये.